Li kuçeyên Amedê tiyatroyeke nîvcomayî

Ji roja kuştina Tarhir Elçi ve pirsek di mejiyê min de ye:

Heke kamera ne li wirê bûna?

Yan jî, heke ne di qeydê de bûna?

Gelo wê çaxê ev tiyatroya nîvcomayî wê çawa bûya?

Min jî wekî her kesî ji ser medyaya civakî li hemû vîdyoyên wê gavê temaşe kir. Ji qeyda mobeseyê heta qeyda ku kameramanê DÎHAyê kişandiye...

Qeyda kameraya DÎHAyê dereng ket ser înternetê. Heta wê gavê di çapemeniya tirk de “şahidên bûyerê” digot “Tahir Elçi demançeya xwe kişand lê nekarî bi kar bîne.”

Paşê derket holê ku kesê ji cadeyê ve bi bazdan tê, wê demançeyê davêje polîsekî... polîsê ku bi dehan guleyan berdide lê guleyên wî ne li kesê direve dikevin ne jî li cam û derebeyên dikanên li hember...

Paşê ew polîs û polîsekî din berê xwe didin Minareya Çarling, ciyê ku ew kes ber bi wê ve direvin, ciyê ku Tahir Elçi li wir... û paşê dîsa guleyan berdidin. Polîsên li wir ji polîsekî nav xwe re dibêjin, ji vir here... ew polîs ber bi cadeyê ve direve diçe. Polîsek gazî dike, “çek bînin, çek.” Polîsekî din qîr dike aliyê ku ew kesên ji cadeyê hatî ber bi wê ve reviyane, dibêje “nereve”, paşê dibêje “bireve”.

Piştî temaşekirina van vîdyoyan, ev pirs hate hişê min: Heke kamera ne di qeydê de bûna?

Û paşê kuştina Ugur Kaymaz hate hişê min, kuştina her du xortên li Diyadînê, kuştina kesên ku piştî hatine kuştin çekek avêtine ber cenazeyê wan û gotine “di pevçûnê de” hatine kuştin.

Heke kamera ne di qeydê de bûna, gelo dûrî aqilan e ku manşetên çapemeniya wan wisa bûna: Parêzerê PKKê di pevçûnê de hat kuştin!

Heke kamera ne di qeydê de bûna, yan jî heke qeydên kameraya DÎHAyê nebûna?

30.11.2015, Amed

Bundle (OS X)

Examples of bundles that contain executable code include applications, frameworks, and plugins. This kind of bundle usually contains one file representing executable code, and files that represent resources such as nibs, templates, images, sounds, and other media. On some other systems, such as Microsoft Windows, these resources are usually included directly in the executable file itself at compile time. On older Macintoshes, a similar technique is used, where additional metadata can be added to a file's resource fork. Similar in concept are the application directories used in RISC OS and on the ROX Desktop, and the RUNZ bundles in Super OS.
Examples of bundles that do not contain executable code include document packages (iWork documents) and media libraries (iPhoto Library).
Bundles are programmatically accessed with the NSBundle class in Cocoa, NeXTSTEP and GNUstep's Foundation frameworks, and with CFBundle in Core Foundation. The Uniform Type Identifier (UTI) for an Apple bundle is com.apple.bundle.<sup>[1]

https://en.wikipedia.org/wiki/Bundle_%28OS_X%29#OS_X_application_bundles</sup>

Kone û zîrek

KCK: Heta êrîş neyê kirin wê gerîlayên me di rewşa bêçalakîtiyê de bin

Ez KCKê ji ber vê biryara rast pîroz dikim.
Çîrok zelal e: Ji ber têkoşîna li dijî DAIŞê, PKK li cîhanê ber bi legalbûnê ve diçû; stêrka kurdan geş dibû.


Va ye ev legalbûna PKKê û geşbûna stêrka kurdan ji tirkan re bû derd.

Pêşî li Agiriyê û paşê li bajarên din ji bo provokasyonê leşkerên xwe şandin kuştinê. Armanca wan ew bû ku leşkerên xwe bi destê kurdan bidin kuştin ku îhtîmala legalbûba PKKê ji holê rakin.

Mixabin piştî kuştina her du polîsan li Serêkaniyê, tişta wan dixwest êdî pêk dihat.

Pir zelal e ku teqînên li Amedê û li Enqereyê jî ji bo heman armancê ne: dixwazin PKKê li xwe sor bikin, PKK êrîşê wan bike, leşker û polîsên wan bikuje û ew jî ji cîhanê re bêjin "PKK terorîst e".

Ya rast, ew sîvîlan jî bikujin -jixwe dikujin- li raya giştî ya cîhanê deng venade lê heke PKK di pevçûnekê de leşker yan polîsekî bikuje, dibe hahoya wan.

Loma divê kurd ji koneyan zîrektir bin û siyaseta xwe li gorî wê az bikin.

Ji ber vê yekê, piryara PKKê ku di heman roja bombeya li mîtînga aştiyê ya Enqereyê hat teqandin de ragihandiye gelekî di cî de ye.


http://anfkurdi.com/kurdistan/kck-heta-eris-neye-kirin-we-gerilayen-me-di-rewsa-becalakitiye-de-bin

Klavyeya Kurdî ji bo Mac OS X 10.7.5ê

Beriya demekê, min li ser komputera xwe Windows 10 saz kiribû û ji ber ku gelek malperên kurdî li Tirkiyeyê qedexe ne, min klavyeya kurdî ya Nefelê peyda nekiribû. Li ser vê, min ji xwe re klavyeyek çêkiribû û li ser bloga xwe belav kiribû.

Hin hevalên ku Mac bi kar tînin pirsa klavyeyeke ji bo Macê kir. Ya rast ji bo Macê hin klavyeyên kurdî hene lê daxwaza hêjayan ew bû ku wekî klavyeya min û ya Nefelê, li ser bingeha klavyeya tirkî be.

Piştî lêkolînan min karî ji bo Macê klavyeyeke kurdî ya li ser bingeha klavyeya tirkî çêkim û li ser komputereke Mac saz bikim ku niha ez vê nivîsê li ser Mac OS X 10.7.5ê bi klavyeya kurdî dinivîsim.

Fermo, klavyeya kurdî jê bar bikin û li ser Maca xwe saz bikin.

Klavyeya Kurdî ji bo Mac OS Xê jê bar bike

Ji bo sazkirinê, dosyeya klavyeyê ji zipê derxin û kopî bikin nav peldanka -Library/Keyboard Layouts

Heke ev peldank veşartî ye, vê kodê di termînalê de binivîse ku xuya bike:

defaults write com.apple.finder AppleShowAllFiles YES; killall -HUP Finder

Piştî ku te dosyeya klavyeya kurdî kopî kir nav Library/Keyboard Layoutsê, komputerê ji nû ve bide destpêkirin. Paşê ji eyaran tercîhên klavyeyan veke û klavyeya kurdî tê de bibîne û hilbijêre.

Klavyeya kurdî wê li milê rastê-jorê xuya bike.

Di vê gavê de klavyeya kurdî li ser komputera min çalak nebû. Piştî ku min cara duyemîn ji nû ve da destpêkirin, çalak bû.

Heke bixwazî piştî ku hemû kar qediyan dosyeyan dîsa wekî berê veşartî bikî, di termînalê de vê kodê binivîse:

defaults write com.apple.finder AppleShowAllFiles NO; killall -HUP Finder

Ji bo Windows 10ê Klavyeya Kurdî

Silav gelî kurdînûsan.
Min do êvarê pergala Windows 10ê li komputera we bar kir. Piştî barkirinê, min xwest ku klavyeya kurdî jî lê bar bikim.
Ji salan ve ye ku ez bi klavyeya kurdî dinivîsim. Yanî ji bo nivîsandina her tîpeke kurdî, tîpeke klavyeyê bi kar tînim. (wekî di wêneyê xwarê de xuya dibe)

Carê dema min dixwest li ser komputerekê klavyeya kurdî saz bikim, min klavyeya kurdî ji malpera nefel.comê yan jî ji malpera wergerine.comê dadixist. Lê her du malper jî ji do ve li ba min venabin.
Ez li ser înternetê gelekî li klavyeya kurdî geriyam, lê min nedît. Li ser vê jî, min got ka ev vekoliim klavye çawa tên çêkirin.
Di dawiyê de min di malpera Windowsê de nivîs û bernameyeke alîkar dît. Û min ji xwe re û ji we re klavyeyeke kurdî çêkir. Min ev klavye li ser Windows 10ê saz kir, baş dixebite -niha pê dinivîsim.

Min klavye li ser bingeha klavyeya tirkî ya Q saz kir.
Hêvî dikim wê bi vê klavyeyê gelek nivîsên kurdî bên nivîsandin.

* Ji bo jêbarkirinê/daxistinê li ser vê bitikîne

09.08.2015, Amed

Tirk naxwazin ne ku tenê dewleta wan

Belê, çareseriya pirsgirêka kurd tirk naxwazin, ne ku dewleta tirk. Yanî pirsgirêka kurd ne tenê ji ber dewleta tirk e, ji ber gelê tirk e.

Selahattin Demirtaş​ û Yalçin Akdogan derbarê "pêvajoya aştiyê" de axivîne.
Demirtaş di roportajekê de ji Ezgî Başaranê re gotiye "Erdogan piştî anketên li dû civîna li Dolmabahçeyê dîtiye ku dengên AKP dikevin û yên HDPê zêde dibin û gotiye, 'Madem ku tu fêdeya vê ji me re nîne em çima ketin nav vî karî?' û paşê gotinên li dijî pêvajooyê ji AKPê bilind bûne." (http://www.radikal.com.tr/yazarlar/ezgi_basaran/provokasyon_olmayacagini_bilsem_polislerin_cenazesine_gitmek_isterdim-1404954)
Yalçin Akdogan jî beşdarî bernameya "Edîtor" ya Ajansa Anadoluyê -ajansa fermî ya dewletê- bûye û gotiye "Tu yê dengan bistînî û tu yê bêjî werin vê problemê çareser bikin." (http://www.cumhuriyet.com.tr/haber/siyaset/333227/Akdogan_surecin_niye_bu_hale_geldigini_itiraf_etti.html)

Tiştê ku ez ji van gotinan fêm dikim ev e ku dewleta tirk -ku piraniya endamên wê ji tirkan yan jî ji kesênku xwe tirk dizanin pê tê- ku niha di destê AKPê de ye dixwest ku pirsgirêka kurd heta radeyekê çareser bike. Yanî dixwest ku kurd di nav malên xwe de azad bin, li derve nîv azad bin lê li saziyên fermî yên dewletê "welatiyên tirk" bin.
Lê piştî ku AKPê/dewleta tirk di anketan de dît ku gelê tirk "azadiya li malê" jî ji kurdan re naxwaze, yanî piştî civîna li Dolmabahçeyê dengên AKPê kêm bûn, AKPê jî dawî li pêvajoya navborî anî.
Loma sedema pirsgirêka kurd pêşî gelê tirk e û paşê dewleta tirk e.

Heçî yên ji min bawer nakin fermo lêkolînekê bikin ka ew kesên li bajarên Enedolê kurdan lînç dikin endamên gelê tirk in yan jî karmendên dewleta tirk in.
Hûn ê bibînin ku ew kesên kurdên belangaz yên ji bo gezek nan çûne bajarên Enedolê lînç dikin endamên gelê tirk in, tirk in yan jî xwe tirk dizanin.

Zor zane, zêr zane, mirovê jîr û zana zane

Belê ez jî zanim ku gotina sernavê vê nivîsê di eslê xwe de ne wisa ye. Lê îro gotina li halê me kurdan tê ev e.

Ne ku hinek bêjin “çima tivinga dev bi mor li halê me nayê”?

Belê, piştî mora li devê tivingê şikest, gelekî bi kêrî me kurdan hat. Wa ye li Rojava diyar e. Lê jîrî û zanabûn ji her tiştî pêştir e.

Beriya nivîsê dewam bikim, bêjim ku ev demeke dirêj e ku min tu gotar nenivîsandine.Gelek caran gotin li cem mirov dicivin, dikî ku binivîsî, lê ji ber ku gotina kurdî malê mirî ye, li ciyê xwe ditevizî.

Lê îro li ser nûçeyeke ku dibêje “kesekî di nav Dewleta Îslamî (DÎ) de şerê kurdan kiriye û vegeriyaye Stenbolê, li Stenbolê hatiye înfazkirin” min xwe mecbûr hîs kir ku binivîsim.

Bi raya min înfazkirina li nav bajaran tiştekî gelekî xetere ye. Dibe ku yek rabe bêje “dema endamekî DAÎŞê yê xwînxur bê kuştin kela dilê min datîne”, lê divê herî baş kurd zanibin ku înfazên li bajaran kêra dudev e.

Dibe ku hin kes, hêz û partî -weki yön olperest- kewa dafikê bin yan jî ew dafik bixwe bin. Lê heke rewş were asta “înfazkirina li bajaran”, herî zêde wê kurd zirarê bibînin.

Heke rewş were asta înfazan wê gelek şîrheram û dolheram bên kuştin lê wê bi qasî wan mêrxas û egîd û dîsa bi qasî wan bêkes û bêguneh jî bên kuştin.

Bi raya min, planek ji planên ku ji bo têkbirina destkeftiyên kurdan hatiye danîn ev e.

Heke bi sedan xwînxwarên DAÎŞê li nav bajaran bên kuştin, gava bêgunehek bêhemdî yan jî bi destê sîxur û ajanên di nav hêzên kurdan de bê kuştin dinya hemû wê kurdan bide ber keviran. Ma ne endamê MÎTê bû ku li Stenbolê molotof avêtibû otobusên navbajêr? Paşê Erdogan her ku mîkrofon digirt destê xwe, digot “PKK li bajaran otobusan dide ber molotofan û bêgunehan dikuje”.

Dewleta tirk bêbext e. Dewleta tirk ew dewlet e ku bebik kuştin avêt stûyê PKKê, dewleta tirk ew dewlet e Hîzbulkontra kuştin avêt stûyê PKKê, dewleta tirk ew dewlet e gundî kuştin avêt stûyê PKKê, dewleta tirk ew dewlet e leşkerên xwe kuştin avêt stûyê PKKê.

24.07.2015, Amed

Palmîra rojevê dihejîne; Navro di binê avê de dimîne

Bajarê kevnar Palmîra ku di nav sînorên Wîlayeta Humusê ya Sûriyayê de ye, piştî ku kete destê dijminên mirovahiyê ango kete destê Dewleta Îslamî, kete rojeva cîhanê.

Ev bajar di sala 1980yan de ketiye nav Lîsteya Mîrateyên Cîhanî ya UNESCOyê.

Taybetiya bajar ev e ku di sedsala 1emîn de li ser riya bazirganiyê rawestgehek bû.

Ev bajarê kevnar, îro di bin tehtîda Dewleta Îslamî de ye. Ev rêxistina terorîst, wekî li Nînowayê kir, zirarê dide bermahiyên dîrokî ku ev bermahî wekî mîrateya mirovahiyê tên hesibandin.

Gelekî di cî de ye kutelevîzyon ku rojnameyên navneteweyî -bi taybetî yên rojavayî- mijara rûxandina van mîrateyên mirovahiyê dixe rojeva cîhanê.

Dema ku ew mîrateyên mirovahiyê bi destê wan hovan tên rûxandin, li rexê me, li sêgoşeya Sêrt – Mêrtdîn – Batmanê, bi navlêkirinên kurdî li sêgoşeya Botan, Gurdilan û Toran, li ciyeê ku çemê Botan û çemê Dîcleyê li wir digihin hev bajarekî din yê kevnar rojên xwe dijmêrê.

Wekî her kes dizane li Kurdistanê bendavek, bendava Ilisuyê tê çêkirin... hêdî hêdî... bi qurnazî... bi bêbextî... bi bêdengiya ku mar nêzîkî nêçîra xwe dibe.

Bendava navborî wê newal û girikên li Toran, li Botan û li Gurdilan di bin avê de bihêle... ne tenê newal û girik, wê dîrokê jî di bin avê de bihêle.

Bernamhiyên dîrokî yên li çemê Başûran yê di navbera Gurdilan/Misirc – Sêrtê de ku mîrateya mirovahiyê ya netomarkirî ye wê di bin vê bendavê de bimîne... li gel Tila Navro.

Tila Navro girek bû, ango qotek bû. Di encama lêkolînên arkeolojîk yên ji sala 2009an ve dem bi dem dewam kir de, di bi vî qotî de bajarekî kevnar derket holê. Bajarekî bi sûr û bircên fireh, bilind û dirêj, bajarekî bi lîmaneke tekûz... wê di bin ava bendavê de bimîne.

Tila Navro ji Palmîrayê bi sedan salan kevntir e lê wekî wê ne di Lîsteya Mîrateyên Cîhanî de ye. Belk li dû êrîşên Dewleta Îslamî çend kêlên li Palmîrayê bifilitin, lê Tila Navro wê di bin bendavê de bimîne û wê tu tişt jê nemîne.

* Peyva “Navro” ji her du peyvên “nav” û “ro/rû/rûbar”ê pêk tê (http://ku.wiktionary.org/wiki/ro)

** Geşta Min (Amed Çeko Jiyan),  Faysal Nayman û Murat Bora ya li Tila Navro (23.05.2015)

Hirç û govend

Endamên CHPê îro ji bo diyarkirina parlamenterên xwe diçin ser sindoqan.
Mixabin li Tirkiyeyê tenê partiya kemalîstan vê rêbaza demokratîk bi kar tîne.
Ka deqeyekê, deqeyekê...
AKPê jî "rêgeza 3 serdeman" binpê nekir û negot "filan kes û bêvan kes Batman in, Spiderman in, Supermen in, bila ew bimînin."

Ne ji ber tiştekî, hema wisa... tiştek hate hişê min.
Dibêjin peyva "medeniyet"ê ji navên partiyên ereban, peyva "edalet"ê ji navên partiyên tirkan û peyva "demokrasî"yê ji navên partiyên kurdan kêm nabin... Lewre kî çi jê kêm be behsa wê dike.

Du biwêjên kurdî: Aqilgirtin yan Aqilnegirtin

Aqilgirtin biwêjeke me kurdan e. Ji bo kesekî ku aqil nagire dibêjin, "filankes aqil nagire, her carê eynî şaşiyê dike". Yan jî ji bo kesekî ku -ji şaşiyên xwe- aqil digire dibêjin, "helal be, te vê carê aqil girtiye".
Belkî hûn ê bêjin ka derdê te çi ye tu di van rojên ku roj êdî dirêj dibin de aqil difiroşî me. Ya rast, niyeta min ne ew e ku ez aqil bifiroşim kesî, niyeta min ew e ku em ji şaşiyên berê aqil bigirin.
Şaşiya ez dibêjim, ew şaşî ye ku li Gurdilan bû sedem ku şaredarî ji destê BDPê derkeve û li gelek deveran bû sedem ku dengên BDPê kêm bibe.
Dibe ku gelek sedemên vê şaşiyê hebin, lê li gorî min sedema bingehîn ew e ku BDPê xwest bêyî ku kedeke zêde dengên xwe zêde bike.
Gelo tê hişê we, beriya hilbijartinên herêmî hema bêje roj tune bû ku li ser ANFê û malperên din nûçeyeke "filan eşîr beşdarî BDPê bû" nehatibe weşandin. Hema di Googleê de binıvîsin "aşireti BDP'ye katıldı"*, hûn ê bibînin ka çiqas "eşîret" beşdarî BDPê bûne.

Min wê demê gelekî meraq dikir, gelo eşîret çawa beşdarî "partiyeke ku li dijî feodalîzmê têdikoşe"  dibin, yan jî "partiyeke ku li dijî feodalîzmê têdikoşe" çawa "eşîretan digire nav xwe".
Bêguman divê deriyên partiyê li hemû endamên hemû eşîretan vekirî be, eşîretên ku demekê bi komî ketina nav şaşiyan jî di nav de.
Lê divê du tişt neyên jibîrkirin.
1- Terzê "tevlêkirina bi eşîrkî" ji dema Suleyman Demirel ve terzê dewletê ye. Ku hişmendî ev e; encumentî, şaredartî yan jî parlamentiyekê bide serokê eşîrê, jixwe gundî ker in wê li pey herin.
2- Dibe ku gelek eşîr yan serokeşîr bi takekesî yan jî bi eşîrkî demekê "tiştên nebaş" kiribe û niha dest ji wan şaşiyan bikêşe û beşdarî partiyên kurdan bibe. Wê demê divê derî li wan kesan vekirî bin, lê hema bi beşdariya nav partiyê divê "serokeşîrên wan" bi encumenî, şaredarî yan jî parlamentiyê neyên "xelatkirin".
Heke na, -Xwedê neke- dibe ku aqûbeta Gurdilan/Misircê li deverên din jî bê serê me.
Hêvî dikim wê kes dilê xwe li min negire. Min xwest ji dilê safî hişyariyekê li partiya xwe bikim ku ji 18 saliya xwe ve deng didimê. Li gel ku hin caran namzet ne bi dilê min bûn, di berf û baranê de bi halê xwe yê nexweş ji bo deng bidimê min ji bajarekî daye rê û hatime bajarekî din.
Piştî daxuyaniya birêz Selahattin Demirtaş ya li ser rewşa parlamenteriya "Kadir Inanir" û "Dengir M. Firat", min girîng dît ku van tabloyên hilbijartinên Gurdilan û (li gorî ragihandina Muhsîn Kizilkaya**) gotina Kadir Inanir ku dibêje "tevgera kurdan tevgereke kedê ye, di nav wan de kesên ku bi salan e kedê didin û xwe bi pêş ve dibin hene, û wê neheqiyek be heke tenê ji ber navdarbûna xwe derkeve pêş", parve bikim.
Hêvî dikim em ji şaşiyên xwe aqil bigirin, kesên ku piştî "tohmeta bazirganiya tiryakê" ji partiya AKPê hatine dûrxistin "tenê ji ber ku serokê eşîran in" li ser serê gelê xwe yê kedkar û fedakar nekin parlamenter.

* https://www.google.com.tr/search?q=a%C5%9F%C3%AEreti+bdp%27ye+katildi&ie=utf-8&oe=utf-8&gws_rd=cr&ei=EjvTVNaAAcb3UpDqgMAK#q=a%C5%9Fireti+BDP%27ye+kat%C4%B1ld%C4%B1
** http://www.haberturk.com/yazarlar/muhsin-kizilkaya-2291/1039237-kadir-inanirin-sagligi-yerinde-dusundugu-hepimizin-sagligi

Piştî 71ê 85 tê

Dîrokzan dibêjin ku tirkan piştî sala 1048an hêdî hêdî berê xwe daye Enedolê, lê piştî serkeftina di şerê 1071ê de, wan bi girseyên qerebalixtir berê xwe daye Enedolê. Hin dîrokzan dibêjin ku serkeftina di wî şerê 1071ê de bi alîkariya kurdna bûye, lê hin dîrokzanên tirk ji ber quretiya xwe gotinê dibin û tînin ku bêjin di şerê Melazgirê de hejmara leşkerên kurd gelekî hindik bû. Lê dîsa jî nikarin înkar bikin ku kurdan -bi çavê rijiyayî- di sala 1071ê de deriyên Enedolê li ber wan vekirine, yan jî kurd bûne alîkar ku deriyên Enedolê li ber wan vebin.

Çawa tê hişê min, her ku behs vedibe, rewşenbolên kurd behsa wê hevkariya kurdan ya sala 1071ê dikin û gazincan dikin ka çima ew hevkarî/peyman îro nîne.

Mixabin, dibe ku ji nezaniyê be, dibe ku ji qelsî yan bêderfetiyê be, em kurd qet napirsin, “erê di sala 1071ê de dewleta kurdan ango Merwaniyan hevkariya tirkan kir û deriyên Enedolê li tirkan vebûn, lê gelo ew hevkarî/peyman kengê bi dawî bû?”

Dîrokzanên tirk bersivekê didin vê pirsê, “Piştî ku Nasr mir, kurê wî Mensûr kete ciyê wî. Wezîrê selçûqî Fahruddevle bin Cehir ji bo bidestxistina axa Merwaniyan ji Sultan Melik Şah destûr girt. Di sala 1085an de artêşa selçûqî piştî pevçûneke tund herêm bi dest xist.”¹

Yanî, kurdan, bi çavê rijiyayî di sala 1071ê de deriyên Enedolê li tirkan vekir, yan jî bûn alîkar ku deriyên Enedolê li tirkan vebin, û çardeh (14, dehek û çarek) salan piştî vê hevkariyê/peymanê, tirkan ew hevkarî/peyman avêt tenekeya çopê û welatê kurdan dagir kir.

Wekî lêkolîner û nivîskar Murat Bora diyar dike, “îxanet li kurdna hat kirin”²

Û îro, li bakur di navbera kurdan û dewleta tirkan de “hevdîtinên ku pêkan e veguherin peymanekê” dewam dikin. Li başûr di navbera kurdan û dewlet tirkan de gelek peymanên aborî, siyasî û leşkerî³ hene.

Li Rojava; heta do helwesta dewleta tirk zelal bû, jixwe Serokomarê ku wê demê Serokwezîr bû, gotibû “Kobanî ha ket ha ket”⁴ Piştî ku Kobanî azad bû, cîgirê Serokwezîr piştî civîna wezîran behsa “rolê erênî yê Tirkiyeyê”⁵ kir. Diyar e her ku kurd xurt bibin, tirk wê bixwazin wekî sala 1071ê hevkariyekê çêkin, lê Serokomarê tirk Erdogan ji dil jî nahêle kurd bikevin xewa xefletê; wekî bêje “piştî 71ê 85 tê”, hem dijberiya hebûna Herêma Kurdistanê ya li Başûr dike (li gel peymanên aborî, siyasî û leşkerî), hem jî dijberiya statuyeke kurdan ya li Rojava dike (li gel “rol”a ku Arinç behsê dike).⁶

1(Nasır´ın ölümünden sonra yerine oğlu Mensur gecti. Selçuklu veziri Fahrüddevle bin Cehir Mervani topraklarını ele gecirmek için Sultan Melikşah´dan izin aldı. 1085 senesinde Selçuklu ordusu şiddetli bir çarpısmadan sonra bölgeyi ele geçirdi.) http://tr.wikipedia.org/wiki/Mervaniler, (27.01.2015)

2Murat Bora, “Awirek ji Dîrokê, Li ser pêvajoya aştiyê”, http://www.kurtalanhaberleri.com/Murat-BORA/172/Awirek-ji-dîrokê-li-ser-pêvajoya-astîyê-.html, (27.01.2015)

3(Peşmerge'ye eğitim ‘Bordo Bereliler’den “Perwerdehiya Pêşmergeyan ji 'Bordo Bereliyan”) http://www.hurriyet.com.tr/dunya/27625485.asp, (27.01.2015)

4http://www.haberturk.com/gundem/haber/997321-erdogan-kobani-dustu-dusecek (27.01.2015)

5(Türkiye’nin bu konuda olumlu bir rolü olduğunu umarım unutmazlar. “Ez hêvî dikim ku ew ê ji bîr nekin di vê mijarê de rolê Tirkiyeyê erênî bû.”) http://www.milliyet.com.tr/bulent-arinc-tan-flas-aciklamalar/siyaset/detay/2004342/default.htm, (27.01.2015)

6(Biz yeni bir Irak olsun istemiyoruz. Nedir bu? Kuzey Irak... Şimdi de Kuzey Suriye doğsun! Bunu kabullenmemiz mümkün değil. “Em naxwazin Iraqeke nû çêbe. Ev çi ye? Bakurê Iraqê... Niha jî Bakurê Sûriyeyê. Nabe ku em vê qebûl bikin.”)

http://www.radikal.com.tr/politika/cumhurbaskani_erdogan_kuzey_suriye_istemeyiz-1280702, (27.01.2015)

Google Translate bi Kurdî

Googleê destûr daye Google Translatea kurdî. Û ji bo vî karî li ser FBê komek hatiye vekirin.
Li ser xêrê be.
Hêvî dikim kesên ne pisporê vî karî ne, wekî Google Translatea tirkî neynin serê vî karî.
http://translate.google.com/community?client=t
 Google Translate Kurdî 

Ji bo hemû dost û hevalan

Ji bo hemû dost û hevalan;
Dadgeha Cezayê ya Giran ya Elezîzê, li ser îftira û nebûyên kesekî bi navê Recep Sade 6 sal û 3 meh cezayê girtîgehê daye min. Û ez vî bêşeref û bênamûsê safî nas nakim.
Sala 2008an li ser îfadeyên vî bênamûsî, li dadgeheke Elezîzê doz li min hat vekirin. Li gorî dibêjin, bi dehan belkî bi sedan kesên din ji ber nebûyên vî bêşerefî hatine girin û darizandin. Di belgeyên dadgehê de dinivîse ku ev ê safî dolheram demekê “qadro” bûye piştî ku carekê hatiye girtin, li Enqere, Entab, Meletî, Elezîz û çend bajarên din îftira û nebû li gelek kesan kirine ku ez jî yek ji wan mexdûran im.
Di sala 2009an de ji ber ku dadgeha Elezîzê têra xwe ne giran bû, doz şandin Dadgeha Cezayê Giran ya Meletiyê. Dadgeha Meletiyê piştî 3 salan biryara beratê da, lê dozgeriya wî dadgehî biryar şand Dadgeha Bilind -Yargitayê- ya li Enqereyê û wê dadgehê par biryara darizandina ji nû ve da.
Piştî ku dadgehên bi rayeya taybet hatin rakirin, dosye çû ber destê dadgeha Elezîzê û wan jî li ser nebû û îftirayên bêşerefekî 6 sal û 3 meh cezayê girtîgehê da min.
Ez Recep Sadeyê safî bêşeref nas nakim û ew jî min nas nake. Û ez baş dizanim, ji ber ku min di navbera salên 2002-2004an de li Elezîzê kovareke xwerû kurdî (kurmancî û zazakî) -bi navê Çirûsk- derdixist, polîsên Elezîzê kiriye ku Recep Sade nebûyan li min bike.
Min îtiraz li biryarê kir û biryar şand Dadgeha Bilind. Yanî wekî parêzera min got, heta salekê du salan wê serê min rehet be. Lê tirsa min ew e ku ev Recep Sade niha li hin saziyan wekî welatparêzekî li ser kar be. Nebêjin nabe, bi Xwedê dibe û xweş dibe. Loma ez ji her kesî hêvî dikim, heke yek ji we zanibe ev Recep Sade kî ye li ku ye û eke wî bibîne, ji kerema xwe re di şûna min de tif bikin rûyê wî.

http://diyarname.com/news.php?Idx=12086